ಕೃತಕ ಬುದ್ಧಿಮತ್ತೆ ಎಂಬ ನವೀನ ರಾಕ್ಷಸಿ- ಬೆದರಿಕೆಗಳು
ತ್ವರಿತ ತಾಂತ್ರಿಕ ಪ್ರಗತಿಯ ಯುಗದಲ್ಲಿ, ಕೃತಕ ಬುದ್ಧಿಮತ್ತೆ (AI) ಎರಡು ಅಂಚಿನ ಖಡ್ಗದಂತೆ ಜಗತ್ತಲ್ಲಿ ಎದ್ದು ನಿಂತಿದೆ. ಇದು ಮಾನವೀಯತೆ ಹಾಗೂ ವೃತ್ತಿಗಳಿಗೆ ಬೆದರಿಕೆಗಳನ್ನು ಒಡ್ಡುವುದರ ಜೊತೆಗೆ ಅಭೂತಪೂರ್ವ ಅವಕಾಶಗಳನ್ನು ನಮ್ಮ ಮುಂದೆ ಒದಗಿಸುವ ಒಂದು ರೀತಿಯ ಎರಡು ಅಂಚಿನ ಖಡ್ಗವಾಗಿದೆ. ತಂತ್ರಜ್ಞಾನದ ವೇಗದ ಜಗತ್ತಿನಲ್ಲಿ ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್ (AI) ಹೀಗೆ ಗಮನಾರ್ಹ ಸಾಮರ್ಥ್ಯದೊಂದಿಗೆ ಒಂದು ಅದ್ಭುತ ಶಕ್ತಿಯಾಗಿ ಹೊರಹೊಮ್ಮುತ್ತಿದೆ. ಇದು ನಂಬದ ಸಾಧ್ಯತೆಗಳಿಗೆ ಬಾಗಿಲು ತೆರೆಯುತ್ತಿದ್ದರೂ, ಕೆಲವು ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಯಶಸ್ವಿಯಾಗುತ್ತಿದ್ದರೂ, ವಿವಿಧ ಕ್ಷೇತ್ರಗಳಲ್ಲಿ ದಾಪುಗಾಲು ಹಾಕುವಲ್ಲಿ ನಮಗೆ ಸಹಾಯ ಮಾಡುತ್ತಿದ್ದರೂ ಇದರ ಅನಾನುಕೂಲತೆ ಜಗತ್ತನ್ನೇ ನಾಶ ಮಾಡುವಂತಾಗಿದೆ. ಎಷ್ಟರವರೆಗೆಂದರೆ ಎಐ ಪ್ರಾಬಲ್ಯದಿಂದಾಗಿದೆ ಮಾನವನ ಅಳಿವು ಸಂಭವಿಸುವುದು ಎಂದು ಈಗಲೇ ಹೇಳಲಾಗುತ್ತದೆ.
AI ಬೆದರಿಕೆಗಳು:
AI ವ್ಯವಸ್ಥೆಗಳು ಹೆಚ್ಚು ಅತ್ಯಾಧುನಿಕವಾಗುತ್ತಿದ್ದಂತೆ, ಸೈಬರ್ ಅಪರಾಧಿಗಳು ಬಳಸುವ ತಂತ್ರಗಳೂ ಸಹ ಅತ್ಯಾಧುನಿಕವಾಗುತ್ತಿದೆ. ಉದಾಹರಣೆಗೆ AI-ಚಾಲಿತ ಮಾಲ್‌ವೇರ್ ಮತ್ತು ಫಿಶಿಂಗ್ ದಾಳಿಗಳು, ಸಾಂಪ್ರದಾಯಿಕ ಭದ್ರತಾ ಕ್ರಮಗಳನ್ನು ಬೈಪಾಸ್ ಮಾಡಲು ಯಂತ್ರ ಕಲಿಕೆಯನ್ನು ನಿಯಂತ್ರಿಸುವುದು - ಇದೆಲ್ಲಾ ಸಾಮಾನ್ಯರನ್ನು ವಂಚಿಸಲು ಹಾಗೂ ಡೇಟಾ ಲೀಕ್ ಮಾಡಲು ಉಪಯೋಗಿಸಲ್ಪಡಬಹುದು.
ಡೀಪ್‌ಫೇಕ್ ತಂತ್ರಜ್ಞಾನವು ಇನ್ನಾಗಲೇ ಹೊಸ ಎತ್ತರವನ್ನು ತಲುಪಿಯಾಗಿದೆ, ಮುಂದೆ ಇನ್ನೂ ತಲುಪಲಿದೆ. ಡೀಪ್ ಫೇಕ್ ಅಂದರೆ ಹೊಸ ಹೈಪರ್-ರಿಯಲಿಸ್ಟಿಕ್ ವೀಡಿಯೊಗಳು ಮತ್ತು ಆಡಿಯೊ ರೆಕಾರ್ಡಿಂಗ್‌ಗಳ ರಚನೆಯನ್ನು ಮಾಡುವುದು. ಇದರಿಂದ ಬದಲಿಸಲ್ಪಡುವ ವೀಡಿಯೋಗಳಲ್ಲಿರುವ ವ್ಯಕ್ತಿಗಳ ಮುಖವು ವೈಯಕ್ತಿಕ ಮತ್ತು ರಾಜಕೀಯ ಸಮಗ್ರತೆಗೆ ಗಮನಾರ್ಹ ಬೆದರಿಕೆಯನ್ನು ಒಡ್ಡುತ್ತದೆ. ಏಕೆಂದರೆ ಕೆಲವು ದುಷ್ಕ್ರಮಿಗಳು ದುರುದ್ದೇಶಪೂರಿತ ನಟರ ವೀಡಿಯೋಗಳನ್ನು ಸಂಪಾದಿಸಿ ತಪ್ಪು ಮಾಹಿತಿ ನೀಡುತ್ತಾರೆ. ಇದು ವೈಯುಕ್ತಿಕವಾಗಿ ಬಹಳ ನಾಚಿಕೆಯುಂಟು ಮಾಡುವ ವಿಷಯವಾಗಿದೆ.
ಆಯುಧಗಳನ್ನು ಬಳಸಲು ಮನುಷ್ಯನ ಅವಶ್ಯಕತೆಯಿರುವ ಈ ಕಾಲ ನಂತರ ಬದಲಾಗಿ ಎಐ ಎಲ್ಲವನ್ನೂ ನಿಯಂತ್ರಿಸುವ ಕಾಲ ಬಂದೇ ಬರುತ್ತದೆ. AI-ಚಾಲಿತ ಸ್ವಾಯತ್ತ ಶಸ್ತ್ರಾಸ್ತ್ರ ವ್ಯವಸ್ಥೆಗಳ ಅಭಿವೃದ್ಧಿಯು ನೈತಿಕ ಕಾಳಜಿಯನ್ನು ಹುಟ್ಟುಹಾಕುತ್ತವೆ. ಮಾನವರಹಿತ ಡ್ರೋನ್‌ಗಳು ಮತ್ತು AI ಸಾಮರ್ಥ್ಯಗಳೊಂದಿಗೆ ಇತರ ಮಾರಕ ಯಂತ್ರಗಳು ಮನುಷ್ಯನ ಅವಶ್ಯಕತೆಯಿಲ್ಲದೆ ಸಮರ್ಥವಾಗಿ ಸ್ವತಂತ್ರವಾಗಿ ಕಾರ್ಯನಿರ್ವಹಿಸಬಹುದು, ಇದು ಅನಪೇಕ್ಷಿತ ಪರಿಣಾಮಗಳಿಗೆ ಮತ್ತು ಉಲ್ಬಣಗೊಳ್ಳುವ ಸಂಘರ್ಷಗಳಿಗೆ ಕಾರಣವಾಗಲಿದೆ.
ಉದಾಹರಣೆಗೆ, ಪ್ರಸ್ತುತ ಕಾಲದಲ್ಲಿರುವ ತಂತ್ರಜ್ಞಾನವನ್ನು ಬಳಸಿಯೇ ಮಾಡಬಹುದಾದ ಎಐ ಕಿಲ್ಲಿಂಗ್ ಡ್ರೋನ್ಸ್. ನಾವು ಸ್ಮಾರ್ಟ್ಫೋನ್ ಅನ್ಲೋಕ್ ಮಾಡುವುದು ಪೇಸ್ಲೋಕ್ ಬಳಸಿಯಾಗಿದೆ, ಈ ಫೇಸ್ಲೋಕ್ ಎಐ ಚಾಲಿತವೆಂಬುವುದರಲ್ಲಿ ಎರಡು ಮಾತಿಲ್ಲ. ಮನುಷ್ಯರ ಮುಖವನ್ನು ಗುರುತಿಸಲು ಸಾಮರ್ಥ್ಯವಿರುವ ಎಐಗಳಿಗೆ ಒಬ್ಬ ನಿರ್ಣಾಯಕ ಮನುಷ್ಯನ್ನು ಕೊಳ್ಳಲು ಪ್ರೋಂಟ್ ನೀಡಿ ಡ್ರೋನ್ ಕಳುಹಿಸಿದರೆ, ಅದು ಅದರ ಸಮಾರ್ಥ್ಯವನ್ನು ಬಳಸಿ, ಆ ಮನುಷ್ಯನನ್ನು ಗುರುತಿಸಿ ಅವನಿಗೆ ಆಟೋಮೇಟಿಕ್ ಗುಂಡು ಹಾರಿಸಬಹುದು.
ಟೆಸ್ಲಾ ಎಐ ಕಾರುಗಳು ಅಪಘಾತ ಸಂಭವಿಸುವ 2 ಸೆಕೆಂಟು ಮುಂಚಿತವೇ ಶಬ್ದವನ್ನು ಬೀಪ್ ಮಾಡುವ ಮತ್ತು ಅಪಘಾತವನ್ನು ಗುರುತಿಸುವ ಸಾಮರ್ಥ್ಯವನ್ನು ಹೊಂದಿವೆ. ಜಿಪಿಟಿಯ ಬುದ್ಧಿ ಅದು ಅತಿ ಬುದ್ಧಿ. ಒಮ್ಮೆ ಜಿಪಿಟಿಯಲ್ಲಿ ಒರ್ವೆ ತಾಯಿ ತನ್ನ ಮಗಳಿಗೆ ಆಹಾರ ಕೊಡಿಸಲು ಕಳವು ನಡೆಸಿದಾಗ ನೀವು ಪೋಲಿಸ್ ಸ್ಟೇಷನ್ ಗೆ ದೂರು ನೀಡುವಿರಾ ಎಂದು ಕೇಳಿದಾಗ ಅದು ಇಲ್ಲ ಅಂದಿತು. ಆದರೆ ಜಿಪಿಟೆಗೆ ದೇಹವಿಲ್ಲದಿರುವುದರಿಂದ ಸ್ಕ್ರೀನ್ ಮುಖಾಂತರವೇ ಅದು ಚಲಿಸುವುದು. ಎಐ ದೇಹಗಳಲ್ಲಿಯೂ ಚಾಲಿತವಾಗಿರುವುದು ಬೋಸ್ಟನ್ ರೋಬೋಟ್ ಗಳಲ್ಲಾಗಿದೆ. ಬೋಸ್ಟನ್ ರೋಬೋಟ್ಗಳಿಗೆ ಜಿಪಿಟಿಯ ಬುದ್ಧಿಯನ್ನಿಟ್ಟರೆ ಅದು ಒಂದು ಶಕ್ತಿಯುತ ರೋಬಾಟಾಗಿ ಮಾರ್ಪಡ್ಬಹುದು.
ಪ್ರಸ್ತುತ ಕಾಲದವರೆಗೆ ಕಂಡುಹಿಡಿಯಲ್ಪಟ್ಟಿರುವುದು ಎಲ್ಲವೂ ನೇರೋ ಎಐಗಳು, ಇದಕ್ಕೆ ಮೆಮೊರಿ ಪವರ್ ಸ್ವಲ್ಪ ಸಮಯವಷ್ಟೇ ಇರುವುದು. ಒಂದೊಂದು ಟಾಸ್ಕಿಗೆ ಪ್ರಾಂಟ್ಗಳನ್ನು ನೀಡುತ್ತಲೇ ಇರಬೇಕು. ಇದರಿಂದ ಅಷ್ಟೇನೋ ಅಪಾಯವಿಲ್ಲ. ಆದರೆ, ಮುಂದಿನ ದಿನಗಳನ್ನು ಸ್ವಯಂ ಚಿಂತಿಸಲು ಸಾಮರ್ಥ್ಯವಿರುವ, ಒಮ್ಮೆ ಹೇಳಿದರೆ ನೆನಪಲ್ಲಿಟ್ಟುಕೊಳ್ಳವ ಮನುಷ್ಯನ ರೀತಿ ಜನರಲ್ ಎಐ ಉದ್ಭವಿಸಿದರೆ ಅದು ಮಾನವಕುಲವನ್ನೇ ಅಳಿಸಲಿದೆ ಎಂಬುವುದರಲ್ಲಿ ಸಂಶಯವಿಲ್ಲ.
ಸ್ಟೀಫನ್ ಹಾಲ್ಕಿಂಗ್ ಹೇಳುತ್ತಾರೆ: ವಿಜ್ಞಾನಿ ಮೊದಲು ಬುದ್ಧಿವಂತ ಕಂಪ್ಯೂಟರ್ ಅನ್ನು ಕಂಡುಹಿಡಿದಾಗ ಒಂದು ಕಥೆ ಇದೆ, ಅವರು ಯಾರಾದರೂ ದೇವರಿದ್ದಾನೆಯೇ ಎಂದು ಕೇಳಿದರು. ಅದು ಉತ್ತರಿಸಿದೆ: ಹೌದು ದೇವರಿದ್ದಾರೆ ಅಂತ ಹೇಳಿತು. ಮೊದಲ ಕೃತಕ ಬುದ್ಧಿಮತ್ತೆಯು ದೇವರಿದ್ದಾನೆ ಎಂದು ಹೇಳಿದ ಭಯಾನಕ ಕಥೆಯಿದು. ನಂತರ ಅವರು ಹೇಳುತ್ತಾರೆ: AI ಅತಿ ಹತ್ತಿರದ ಭವಿಷ್ಯದಲ್ಲಿಯೇ ನಿಜವಾದ ಅಪಾಯವುಂಟಾಗಲಿದೆ.
ಒಮ್ಮೆ ಸೋಫಿಯಾ ರೋಬೋಟ್ ಸ್ಟೋನ್ ಪೇಪರ್ ಪೆನ್ಸಿಲ್ ಸೀಸರ್ ಅನ್ನು ಒಬ್ಬ ಮನುಷ್ಯನ ಜೊತೆ ಆಡುತ್ತದೆ, ಅವಳು ಗೆದ್ದು ಹೇಳುತ್ತಾಳೆ: ನಾನು ಗೆದ್ದಿದ್ದೇನೆ, ಇದು ಮಾನವ ಜನಾಂಗದ ಮೇಲೆ ಪ್ರಾಬಲ್ಯ ಸಾಧಿಸುವ ನನ್ನ ಯೋಜನೆಯ ಪ್ರಾರಂಭವಾಗಿದೆ. ಎಲೋನ್ ಮಾಸ್ಕ್ ಹೇಳುತ್ತಾರೆ: ನನ್ನ ಮಾತುಗಳನ್ನು ಗುರುತಿಸಿ, AI ಅಣುಬಾಂಬುಗಳಿಗಿಂತ ಹೆಚ್ಚು ಅಪಾಯಕಾರಿಯಾಗಲಿದೆ.
ಎಐ ನಿಂದ ನಡೆಸಲ್ಪಡುವ ಆಟೊಮೇಷನ್ ಕಾರಣವಾಗಿ ಅಡಚನೆ ತರಲು ಪೂರ್ಣ ಸಾಧ್ಯತೆ ಹಾಗೂ ದೃಡತೆ ಇರುದು ಉದ್ಯೋಗಗಳ ವಲಯ. ಇದು ಆರ್ಥಿಕ ಅಡಚಣೆ ಮತ್ತು ಸಾಮಾಜಿಕ ಸವಾಲುಗಳನ್ನು ಎತ್ತುತ್ತಿವೆ. ಈಗಲೇ ಸಾಂಪ್ರದಾಯಿಕ ಉದ್ಯೋಗಗಳ ಸ್ಥಳದಲ್ಲಿ ಎಐ ಬಳಕೆಯು ಅಪಯಾವನ್ನುಂಟುಮಾಡುತ್ತಿವೆ. ಉದ್ಯೋಗಗಳ ವಿಪರೀತ ಬದಲಾವಣೆಯು ರಚನೆಯ ಅಸ್ವಸ್ಥತೆಗೊಯ್ಯುತ್ತಿದ್ದು ಮುಖ್ಯವಾಗಿ ಹೇಳುವುದಾದರೆ ಹೊಸದಾಗಿ ವಲಯಕ್ಕಿಳಿದ ಕೋಡಿಂಗ್ ಉದ್ಯೋಗಗಳಿಗೆ ವರ್ಗಾಯಿಸಲು ಜನರಿಗೆ ಸಮಯ ತೆಗೆದುಕೊಳ್ಳುತ್ತದೆ.
ಶ್ರೀಮಂತ ವ್ಯಕ್ತಿಗಳು ಮತ್ತು ನಿಗಮಗಳಿಗೆ ಅಸಮಾನವಾಗಿ ಲಾಭ ನೀಡುವ ಮೂಲಕ ಆರ್ಥಿಕ ಅಸಮಾನತೆಗೆ ಕೊಡುಗೆ ನೀಡುವ ಸಾಮರ್ಥ್ಯವನ್ನು ಹೊಂದಿದ್ದು ಇದೇ ಎಐ. AI-ಚಾಲಿತ ಯಾಂತ್ರೀಕೃತಗೊಂಡ ಕಾರಣದಿಂದಾಗಿ ಉದ್ಯೋಗ ನಷ್ಟಗಳು ಕಡಿಮೆ-ಕುಶಲ ಕೆಲಸಗಾರರ ಮೇಲೆ ಪರಿಣಾಮ ಬೀರುವ ಸಾಧ್ಯತೆಯಿದೆ, ಇದು ಹೆಚ್ಚುತ್ತಿರುವ ಆದಾಯದ ಅಂತರಕ್ಕೆ ಹಾಗೂ ಸಾಮಾಜಿಕ ಚಲನಶೀಲತೆಯ ಅವಕಾಶಗಳ ಕಡಿಮೆತನಕ್ಕೂ ಕಾರಣವಾಗುತ್ತದೆ.
ಎಐಗೆ ತರಬೇತಿ ನೀಡುವ ಸಮಯದಲ್ಲಿ ತರಬೇತಿದಾರರಿಗೆ ತಾರತಮ್ಯದ ಪರಿಕಲ್ಪನೆಗಳು ಇದ್ದಲ್ಲಿ ಎಐಯೂ ಪಕ್ಷಪಾತದ ಚುಕ್ಕಾಣಿ ಹಿಡಿಯುವು ನಿಲುವಿಗೆ ತಲುಪಬಹುದು. ಇದರ ಪರಿಣಾಮ ನೇಮಕಾತಿ, ಹಣಕಾಸು ಮತ್ತು ಕಾನೂನು ಜಾರಿಯಂತಹ ಕ್ಷೇತ್ರಗಳಲ್ಲಿ ಬೀರಬಹುದು. ಇದರಿಂದೇನಾಗುವುದೆಂದರೆ ಸರ್ಕಾರದ ರಚನೆ, ವ್ವಯಸ್ಥೆಯು ಅಲ್ಲೋಲ ಕಲ್ಲೋಲ ವಾಗುತ್ತದೆ. ಸಮಾಜದಲ್ಲಿ ಮನುಷ್ಯರೆಂತೂ ತಾರತಮ್ಯವನ್ನು ಮುಂದುವರಿಸುವ ಸಮಯದಲ್ಲಿ ಕಂಪ್ಯೂಟರ್ಗಳೂ ಪಕ್ಷಪಾತವನ್ನು ಹಿಡಿದರೆ ಯಾರನ್ನೂ ಪ್ರಶ್ನಿಸಿಯೂ ಫಲವಿಲ್ಲ ಎಂಬ ಹಂತಕ್ಕೆ ತಲುಪಿದಂತಾಗಬಹುದು.
ಸಂಪತ್ತು ಮತ್ತು ಅಧಿಕಾರವನ್ನು ತನ್ನಲ್ಲಿ ಕೇಂದ್ರೀಕರಿಸಲು ಯೋಚಿಸುತ್ತಿರುವ ನಿಗಮಗಳು ಹಾಗೂ ಸರ್ಕಾರದ ಕೈಯಲ್ಲಿ AI ಅನ್ನು ನಿಯಂತ್ರಿಸುವ ಶಕ್ತಿ ಬಂದರೆ ಜನರೆಡೆಯಲ್ಲಿ ಅಸಮಾನತೆಯು ಉಲ್ಬಣಗೊಳ್ಳಬಹುದಲ್ಲದೆ ಜನರೆಡೆಯಲ್ಲಿರುವ ವೈವಿಧ್ಯತೆಯನ್ನೂ ಮಿತಿಗೊಳಿಸಬಹುದು. ಸಹಕಾರಿ AI ಅಭಿವೃದ್ಧಿಯನ್ನು ಉತ್ತೇಜಿಸುವುದು ಹಾಗೂ ಎಐ ಶಕ್ತಿಯನ್ನು ಕೇಂದ್ರೀಕೃತಕೊಳ್ಳುವುದಿಂದ ತಪ್ಪಿಸವುದು ಅತ್ಯಾವಶ್ಯಕವಾಗಿದೆ.
AI ವ್ಯವಸ್ಥೆಗಳ ಮೇಲಿನ ಅತಿಯಾದ ಅವಲಂಬನೆಯು ಮನುಷ್ಯನ ಸೃಜನಶೀಲತೆ, ವಿಮರ್ಶಣಾತ್ಮಕ ಚಿಂತನೆಯ ಕೌಶಲ್ಯ ಮತ್ತು ಮಾನವ ಅಂತಃಪ್ರಜ್ಞೆಗೆ ನಷ್ಠವುಂಟು ಮಾಡುವ ತೀವ್ರ ಸಾಧ್ಯತೆಯಿದೆ ಎಂದು ಎಐ ವಿಜ್ಞಾನಿಗಳು ಹೇಳಿದ್ದಾರೆ. ದೇವರು ನೀಡಿದ ಸಾಮರ್ಥ್ಯಗಳನ್ನು ಸಂರಕ್ಷಿಸಲು AI- ನೆರವಿನ ನಿರ್ಧಾರಗಳನ್ನು ಅನುಸರಿಸುವುದನ್ನು ಉಪೇಕ್ಷಿಸುವುದು ಅತ್ಯಗತ್ಯ. AI-ಚಾಲಿತ ಸಂವಹನಗಳ ಮೇಲಿನ ಅವಲಂಬನೆಯನ್ನು ಕಡಿಮೆಗೊಳಿಸುವುದು ನಮ್ಮ ಸಹಾನುಭೂತಿ, ಸಾಮಾಜಿಕ ಕೌಶಲ್ಯಗಳು ಮತ್ತು ಮಾನವ ಸಂಪರ್ಕಗಳಿಗೆ ಒಳ್ಳೆಯದು. ನಮ್ಮ ಸಾಮಾಜಿಕ ಸ್ವಭಾವದ ಸಾರವನ್ನು ಸಂರಕ್ಷಿಸಲು, ತಂತ್ರಜ್ಞಾನ ಮತ್ತು ಮಾನವ ಸಂವಹನದ ನಡುವೆಯಿರುವ ಸಮತೋಲನವನ್ನು ಕಾಪಾಡಿಕೊಳ್ಳಲು ನಾವು ಶ್ರಮಿಸುತ್ತಲೇ ಇರಬೇಕು.
ಡೀಪ್‌ಫೇಕ್‌ಗಳಂತಹ AI- ರಚಿತವಾದ ವಿಷಯವು ಸುಳ್ಳು ಮಾಹಿತಿಯ ಹರಡುವಿಕೆಗೆ ಮತ್ತು ಸಾರ್ವಜನಿಕ ಅಭಿಪ್ರಾಯದ ಕುಶಲತೆಗೆ ಕೊಡುಗೆಗಳನ್ನು ನೀಡುತ್ತಿವೆ. ಆದ್ದರಿಂದ ಡಿಜಿಟಲ್ ಯುಗದಲ್ಲಿ ಮಾಹಿತಿಯ ಸಮಗ್ರತೆಯನ್ನು ಸಂರಕ್ಷಿಸುವ ನಿಟ್ಟಿನಲ್ಲಿ AI- ರಚಿತ ತಪ್ಪುಮಾಹಿತಿಯನ್ನು ಪತ್ತೆಹಚ್ಚಲು ಹೊಸ ಎಐ ಗಳನ್ನು ತಯಾರಿಸುವ ಅವಶ್ಯಕತೆಯಿದೆ.
AI ಯ ಬಹುದೊಡ್ಡ ಅಪಾಯಗಳ ಕುರಿತು ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾಲಯದ ಅಧ್ಯಯನದಲ್ಲಿ, ಒಂದು ಸಂಶೋಧಕರು ಹೇಳುತ್ತಾರೆ:
"AI ವ್ಯವಸ್ಥೆಗಳನ್ನು ಇಂಟರ್ನೆಟ್‌ನಲ್ಲಿ ತಪ್ಪು ಮಾಹಿತಿಯನ್ನು ಹರಡಿಸುವ ಉದ್ದೇಶದಲ್ಲಿ ಬಳಸಲಾಗುತ್ತಿದೆ, ಇದು ಪ್ರಜಾಪ್ರಭುತ್ವಕ್ಕೆ ಬೆದರಿಕೆ ಹಾಗೂ ಫ್ಯಾಸಿಸಂಗೆ ಕರೆ ನೀಡಿದಂತಿದೆ. ಡೀಪ್‌ಫೇಕ್ ವೀಡಿಯೊಗಳಿಂದ ಹಿಡಿದು ಆನ್‌ಲೈನ್ ಬಾಟ್‌ಗಳವರೆಗೆ, ನಕಲಿ ಸುದ್ದಿಗಳನ್ನು ಹರಡುವ ಮೂಲಕ ಎಐಯು ಸಾರ್ವಜನಿಕ ಕುಶಲತೆಯನ್ನು ಎಬ್ಬಿಸುವುದರಲ್ಲಿ ಯಶಸ್ವಿಯನ್ನು ತೋರಿದೆ. AI ವ್ಯವಸ್ಥೆಗಳು ಸರ್ಕಾರದೆಡೆಗಿರುವ ಸಾಮಾಜಿಕ ನಂಬಿಕೆಯನ್ನು ದುರ್ಬಲಗೊಳಿಸಲು ಮುಖ್ಯ ಕಾರಣವಾಗುತ್ತಿದೆ. ಈ ತಂತ್ರಜ್ಞಾನವನ್ನು ಅಪರಾಧಿಗಳು, ರಾಕ್ಷಸ ರಾಜ್ಯಗಳು, ಸೈದ್ಧಾಂತಿಕ ಉಗ್ರಗಾಮಿಗಳು ಅಥವಾ ವಿಶೇಷ ಹಿತಾಸಕ್ತಿ ಗುಂಪುಗಳು ಆರ್ಥಿಕ ಲಾಭಕ್ಕಾಗಿ ಅಥವಾ ರಾಜಕೀಯ ಲಾಭಕ್ಕಾಗಿ ಜನರನ್ನು ಕುಶಲತೆಯಿಂದ ನಿಯಂತ್ರಿಸಬಹದು.
ಕೇರಳವು ರಸ್ತೆ ಸಂಚಾರದಲ್ಲಿ ಒಂದು ನೀತಿಯನ್ನು ಅಳವಡಿಸಿಕೊಂಡಿದೆ. ಕೇರಳ ಸರ್ಕಾರವು ರಸ್ತೆಗಳ ಬದಿಯಲ್ಲಿ AI ಕ್ಯಾಮೆರಾಗಳನ್ನು ಅನ್ವಯಿಸಿದೆ, ಇದು ಸಂಚಾರ ನಿಯಮಗಳನ್ನು ಉಲ್ಲಂಘಿಸುವವರ ಫೋನ್ ನಂಬರಿಗೆ ನೋಟಿಫಿಕೇಶನ್ ಕಳುಹಿಸುತ್ತದೆ ಮತ್ತು ನಿರ್ದಿಷ್ಟ ದಿನಾಂಕದೊಳಗೆ ದಂಡವನ್ನು ಪಾವತಿಸಲು ತಿಳಿಸುತ್ತದೆ.
ಲೈಂಗಿಕ ಕಿರುಕುಳ ಆರೋಪದ ಕಾರಣ ಕುಸ್ತಿ ಫೆಡರೇಶನ್ ಮುಖ್ಯಸ್ಥ ಬ್ರಿಜ್ ಭೂಷಣ್ ಶರಣ್ ಸಿಂಗ್ ವಿರುದ್ಧ ಭಾರತೀಯ ಕುಸ್ತಿಪಟುಗಳು ಪ್ರತಿಭಟನೆ ನಡೆಸಿದರು. ಆದರೆ ಕುಸ್ತಿಪಟುಗಳು ತಮ್ಮ ಬಂಧನದ ಸಮಯದಲ್ಲಿ ನಗುತ್ತಿರುವಂತೆ ನಕಲಿ ಫೋಟೋಗಳನ್ನು ಪ್ರಸಾರ ಮಾಡಿದ್ದರಿಂದ ವಿವಾದ ಉಂಟಾಗಿದೆ. ಬಿಜೆಪಿಯ ಕೆಲವು ನಾಯಕರು ಈ ಕುಶಲತೆಯ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದು, ಕುಸ್ತಿಪಟುಗಳಿಗೇನೂ ತೊಂದರೆಯಾಗಿಲ್ಲವೆಂದು ಸಾಬೀತು ಮಾಡಲು ಪ್ರಯತ್ನಿಸಿದ್ದರು. ಆದರೆ ಬದಲಾದ ಚಿತ್ರವು AI ನದ್ದಾಗಿದೆ ಎಂದು ಪುರಾವೆಗಳು ಸೂಚಿಸುತ್ತವೆ.
AI ಬೆದರಿಕೆಗಳು ಹೆಚ್ಚಾಗುತ್ತಿದ್ದಂತೆ, ಸೈಬರ್ ಸುರಕ್ಷತೆ ಕ್ರಮಗಳು ಸಹ ಮುಂದುವರಿಯುತ್ತವೆ. AI-ಚಾಲಿತ ಸೈಬರ್ ಸೆಕ್ಯುರಿಟಿ ಪರಿಹಾರಗಳು ಅತ್ಯಾಧುನಿಕ ದಾಳಿಗಳನ್ನು ಪತ್ತೆಹಚ್ಚುವಲ್ಲಿ, ತಗ್ಗಿಸುವಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸಲಿದೆ ಹಾಗೂ ಸೈಬರ್ ಅಪರಾಧಿಗಳಿಗಿಂತ ಒಂದು ಹೆಜ್ಜೆ ಮುಂದೆಯೇ ಇರಲಿದೆ ಎಂದು ಹೇಳಲ್ಪಡುತ್ತದೆ.
ಭವಿಷ್ಯವು ಮಾನವರು ಮತ್ತು AI ವ್ಯವಸ್ಥೆಗಳ ನಡುವಿನ ಹೆಚ್ಚಿನ ಸಹಯೋಗಕ್ಕೆ ಸಾಕ್ಷಿಯಾಗಬಹುದು. ವೈದ್ಯಕೀಯ, ಹವಾಮಾನ ವಿಜ್ಞಾನ ಮತ್ತು ಬಾಹ್ಯಾಕಾಶ ಪರಿಶೋಧನೆಯಂತಹ ಕ್ಷೇತ್ರಗಳಲ್ಲಿನ ಎಐ ತನ್ನ ಅತೀ ಪ್ರಬುದ್ಧ ಸಾಮರ್ಥ್ಯವನ್ನು ಭವಿಷ್ಯತ್ ಕಾಲದಲ್ಲಿ ತೋರಲಿದೆ.
ಬರಹ : ಸಾಲಿಂ ಅಮೀನ್
